Ditirelo

LAB e thusa ba ba sa kgoneng go ituelela ditirelo tsa semolao, ka diofisi tse di mo mafelong a a farologanyeng, mme bontsi  jwa dikgang  tse re di amogelang ke tsa selegae.

Melao ya tsa Malwapa – Dikgang tsa Tlhalo, tlhokomelo ya bana, gore bana ba nna le mang, kgokgontsho ya mo malwapeng,

Dikgang/Ditsheko tsa Pereko,

 Molao wa lefatshe – go akarediwa le dikgang tse di fa pele ga Makgotla a Kabo Ditsha (Land Board) le la boikuelo ka tsa lefatshe (Land Tribunal)

Molao wa ditumalano dikgannyeng tsa ditumalano tsa dituelo le go dira tiro ka fa ditumalanong. (contract law) – go buelelwa kgotsa go tsaya kgato mo

Ditsheko tsa ditshenyegelo – kgolafalo ya motho kgotsa ditshenyegelo tsa dithoto, ditsheko tsa mekwalo ya ditaelo tsa moswi tsa gore dithoto di kgaoganngwe jang le tsa boswa – e leng go kwala ditaelo tseo le kgaoganyo ya boswa.

Fa godimo ga moo, lekalana le thusa ka tharabololo ya dikgang ya metlhale e mengwe jaaka  tetlanyo le tshereganyo, tse di patang dithuso tsa ditsheko tse lekalana le di dirang.

Mo bogompienong, Legal Aid Botswana ga e thuse ka tse di latelang:

• Dikgotlhang tsa madi  tse di dirwang  ke  Lekgotlana la Small Claims Court
• Dikgang tse di mo  Makgotleng a Setswana
• Dikgang tsa tshenyo leina, tsuololo ya sephiri sa motho, go thuba malwapa,
• Dikgang tsa khiro tse di santseng di le ko lephateng la tsa pereko

Legal Aid Botswana gape  e thusa ka boikuelo mo dikgannyeng tsa melato, tse re dumelang fa boikuelo bo ka atlega, le ditsheko tsa melato e e dirilweng ke bana ba ba kwa tlase ga dingwaga tse di lesome le borobabobedi.